Украина ахада Владимир  Зеленски Украина аҳауатә қәыԥшылараҿ аԥырра ахьыҟамло азона аԥҵара мап ацәкразы Нато иалоу атәылақәа акритика рзиуит.

Украинатәи аихқәа рдыррақәа рыла, ари атәыла ахада иҟаиҵаз авидеоааԥхьараҿ аарԥшуп.

“Нато иалоу атәылақәа аԥшыхәратә маҵзурақәа зегьы аӷа ипланқәа ибзиаӡаны ирдыруеит. Урҭ ишаарыцҳаз, Урыстәыла ажәылара нанагӡоит. Ари ишԥаҟало? Ажәылара ҿыцқәа аԥсыҭбарақәа ирыцлоит, Нато Украина аханы аҳауатә қәыԥшылара аркра мап ацәнакит. Украина аханы аҳауатә қәыԥшылара аркра Нато аганахьала Урыстәыла ишиашоу агрессиа ахылҵуеит ҳәа анаратив Нато ахала аԥнаҵеит ҳәа ҳгәы иаанагоит.  Ари ҳара ҳаҵкьыс иӷәӷәоу, ҳара ҳаҵкьыс ирацәаны абџьар змоу атәылақәа рзы автогипнозуп. Ауаа, ауаа ҳрызхәыцроуп. Аиҽцәажәара амш ашьҭахь ауаа рҭахара шәара ишәхароуп, шәара шәыԥсыҽра иахароуп, иаку апозициа ахьшәымам иахароуп. Алианс аҟынтә 50 тонна абылтәы ҳауит, Будапештәи амеморандум амца ацраҳҵар азы ҳәа сгәы иаанагоит. Еигьны иблырц азоума? Ҳара ҳзыуи урыстәылатәи ар ирблхьит,” – иҳәеит Зеленски.