Аҷара амшынтә атуристтә сезон иаҧылоит ирҿыцу атуристтә аалыҵи асервисқәеи рыла, – иҳәеит Аҷара аиҳабыра рхантәаҩы Сулхан Ҭамазашвили амшынтә атуристтә сезон ҿыц аартра инамаданы Баҭым имҩаҧгаз Аҩныҵҟатәи аусқәа рминистрра аусмҩаҧгатә аҿы.

Аҷара аиҳабыра рнапхгаҩы ишиҳәаз ала,  сынтәатәи атуристтә сезон қәҿиарала имҩаҧысып ҳәа игәыҕуеит. Иара иажәақәа рыла, аҭааҩцәа рхыҧхьаӡареи атуризм аҟынтә ахашәалеи азҳара иаҿуп.

„ Аҷара амшынтә атуристтә сезон иаҧылоит ирҿыцу атуристтә аалыҵи асервисқәеи рыла.  Иҵегьы ирацәаны атуристтә обиектқәа етапла иааҳартуеит. Иара убас, ауаажәларратә аиҿкаареи агәабзиареи рыхьчара аҵакы ду амоуп. Аҩныҵҟатәи аусқәа рминистрра ҳраҭабууп, избанзар, атуристтә сезон инамаданы, аполициатәи аиқәырхаратәи мчқәа арежим ҷыдаҿ аус руеит, аҭыҧантәи ауааҧсыреи, иара убас, атуристцәеи ршәарҭадара рыхьчоит“, – иҳәеит Сулхан Ҭамазашвили.