Сынтәа ашкол иҭало ахәыҷқәа ашәҟәы рҭаҩра иалагоит лаҵара 22 рзы, ашәҟәҭаҩра апроцесс нагӡахоит рашәара  17-нӡа.

Қырҭтәыла Аҵареи, аҵарадырреи, аҿар русқәеи рзы аминистрра адыррақәа рыла, ашәҟәҭаҩра мҩаҧысуеит Аҵара ахылаҧшра аинформациатә система аофициалтә вебдаҟьа – registration.emis.ge. аҿы.

Ахәыҷы ашәҟәы иҭаҩра апроцедура мҩаҧыргоит иан, иаб, мамзаргьы, изакәантә хаҭарнак.

„Арегистрациа иахысыз ахәыҷы ашкол дҭаларц азыҳәан иашьашәалоу адокументқәа ашколашҟа инагатәуп рашәара  18 инаркны ҧхынгәы  27-нӡа. Ари аҿҳәара иалагӡаны адокументқәа азымҭаз ахәыҷы ирегистрациа аҧыххоит“, – иануп Қырҭтәыла Аҵареи, аҵарадырреи, аҿар русқәеи рзы аминистрра аинформациаҿы.

Актәи акласс аҭаларазы ицәыргатәуп абарҭ адокументқәа:

• аҵаҩы изакәантә хаҭарнак ирзаҳал, уаҟа иарбазароу азакәантә хаҭарнак дахьынхо аҭыӡҭыҧи иҭел аномери, ихаҭара агәраргага ахкьыҧхьааи. Адокументқәа атәым бызшәала ихарҭәаазар, урҭ ирыцзароуп азакәанла иазҧхьагәаҭоу аҧҟарала инагӡоу ақырҭуа бызшәахьы аиҭага;
• аҵаҩы иира агәраргага, ма, ихаҭара зыршаҳаҭуа адокумент ахкьыҧхьаа.