Европатәи ахеилак ахада Шарль Мишель Бриуссель Азербаиџьани Шәамахьтәылеи рлидерцәа рҟны аиҧылара иазку аинформациа алаирҵәеит.

Аҳәамҭа ишану ала, аиҧылараҿы Азеиҧш аҳәаатә комиссиа ааҧхьаразы аӡбара рыдыркылеит. Акомиссиа хықәкыс амазаауеит Азербаиџьани Шәамахьтәылеи рыбжьара ҩ-ганктәи аҳәаа аделимитациеb, иара убас, аҳәаа инаваршәны аҭышәынтәалара аиқәыршәареи.

Евроеидгыла Ахеилак аофициалтә саит иану аҳәамҭаҿы ишазгәаҭоу ала, аганқәа рхаҭарнакцәа Аахыҵ Кавказ арегион аҿы аҭагылазаашьеи Шәамахьтәылеи Азербаиџьани реизыҟазаашьақәеи иазааҭгылеит.

Ахада Мишель ишазгәеиҭаз ала, ахада Алиеви аҧыза-министр Ҧашиниани аадырҧшит ҩ-тәылак рыбжьара аҭынчратә еиқәшаҳаҭра адкыларазы аусеицура ишазыхиоу. Убри азыҳәан, адәныҟатәи аусқәа рминистрцәа ирыдырҵоит хымҧада иӡбатәу азҵаарақәа зегьы зҭыҧ иқәызҵаша аҭынчратә аиқәшаҳаҭра аус адулара иалагарц.