Қырҭтәыла апарламент ахантәаҩы Шьалуа  Папуашвили  Швеицариа Амилаҭатә хеилак ахантәаҩы  Ирен Келин длыдикылеит.  Ашәқәа ркны имҩаҧгаз аиҧылараҿы аганқәа рхаҭарнакцәа ҩ-тәылак реизыҟазаашьақәеи урҭ рырҭбаареи иалацәажәеит.

Шьалуа  Папуашвили  швеицариатәи иколлега ҭабуп ҳәа леиҳәеит Қырҭтәыла ахьыҧшымреи аҵакырадгьылтә акзаареи адгылареи аҧышәа аиҭныҧсахлареи азыҳәан.

Папуашвили ишиҳәаз ала,  Қырҭтәылеи Швеицариеи  30 шықәса рыҩныҵҟа аполитикатәи ахәаахәҭра-економикатәи,  апарламентбжьаратәи аусхкқәа рҿы қәҿиарала аус еицыруеит.

«Швеицариа Қырҭтәылеи Урыстәылеи рыбжьара абжьацәажәаратә роль нанагӡоит,  ҳара уи иҳаракны ахә ҳшьоит.  Швеицариа апарламенттә делегациа рвизит аҵакы ду амоуп,  избанзар сынтәа ҳара ҳдипломатиатә еизыҟазаашьақәа рышьақәыргылара инаркны  30 шықәса аҵра иазгәаҳҭоит. Арҭ ашықәсқәа рыҩныҵҟа аполитикатәи ахәаахәҭра-економикатәи,  апарламентбжьаратәи аусхкқәа рҿы қәҿиарала аус еицаауеит.  Абри атенденциа бзиа анагӡареи ҳусеицура арҭбаареи  ҳазыхиоуп», — иҳәеит Шьалуа Папуашвили.