Шьалуа Папуашвили аофициалтә визитла Бақәаҟа ддәықәлеит

Қырҭтәыла апарламент ахантәаҩы Шьалуа Папуашвили,  апарламенттә делегациа дрыцны,  Азербаиџьантәи ареспублика Милли Меџьлис ахантәаҩы Сахиба Гафарова лааҧхьарала, аофициалтә визитла Бақәаҟа ддәықәлеит. Ари аинформациа аланарҵәеит апарламент апресс-маҵзура.

Аофициалтә визит аҳәаақәа ирҭагӡаны, иҳаракӡоу аҩаӡараҟны аиҧыларақәа мҩаҧгахоит.

Апарламенттә делегациа иалоуп авице-спикер Арчил Ҭалакваӡеи, афракциа «Ақырҭуа гәахәтәы» ахантәаҩы ихаҭыҧуаҩ  Грета Цицавеи, апарламенттә аиҳара алахәылацәа: Савалан Мирзоеви, Заур Даргалии, афракциа  «Иаку амилаҭтә ҵысра-Иеиду аоппозициа» алахәыла  Рамаз Николаишвилии.