Reuters - Си Ӡинпин анеҩстәи амчыбжь азы Индиа имҩаҧысуа G20 асаммит ихы алаирхәом

11:38, 31.08.2023

Заанаҵтәи адыррақәа рыла, китаитәи алидер Си Ӡинпин анеҩстәи амчыбжь азы Индиа имҩаҧысуа G20 асаммит ихы алаирхәом. Ари атәы аанацҳаит агентра Reuters.

Адипломатцәеи еиуеиҧшым аҳәынҭқаррақәа рлидерцәеи агентра азаарыцҳаит Китаи ахьӡала асаммит ихы шалаирхәо аҧыза-министр Ли Циан. G20 алидерцәа реиҧылара мҩаҧысуеит Ниу-Дели, цәыббра 9-10 рзы.

G20 асаммит Америкеи Китаии рлидерцәа реиҧыларазы алшарас иахәаҧшуан. Зыӡбахәы ҳәоу алидерцәа аҵыхәтәаны еиҧылеит ҵыҧх абҵаразы, Бали имҩаҧгаз G20 асаммитаҿ.

Урыстәыла ахадагьы ааицҳаит Ниу-Дели имҩаҧысраны иҟоу аиҧыларашҟа дшымнеиуа, асаммитаҿ Урыстәыла дахаҭарнакхоит адәныҟатәи аусқәа рминистр Сергеи Лавров.

АДУНЕИАҾЫ

G20 aсaммит

Си Ӡинпин