Қырҭтәыла аиустициа аминистр Рати Брегаӡе ишиҳәаз ала,  Урыстәыла аҧыррақәа реиҭашьақәыргылара иазку аӡбара ганкала аднакылеит,  ақырҭуа аган ари аӡбараҿы цәгьарак рбом,  избанзар,  аҧыррақәа реиҭашьақәыргылара абзоурала Қырҭтәыла атәылауаа аҧареи аамҭеи реиҷаҳара рылшоит.

„Аҧыррақәа реиҭашьақәыргылара иазку аӡбара Урыстәылоуп издызкылаз, дара хықәкыс ирымаз интересс ишәымазар,  дара шәразҵаа.  Қырҭтәыла атәылауаа Қырҭтәылаҟа аара рзымариахеит,  дара аҧареи аамҭеи реиҷаҳара рылшоит. Уи аҿы цәгьарак ҳбом. Ҳара уаҳа изакәызаалак контекстк ҳамам“, – иҳәеит Рати Брегаӡе.

Рати Брегаӡе ишазгәеиҭаз ала,  Қырҭтәыла жәларбжьаратәи асанкциақәа зегьы ирықәныҟәоит,  асанциақәа рывсразы аӡәгьы ицхраауам.

„Қырҭтәыла асанкциақәа рывсраҿы аӡәгьы ицхраауам,  уи ҟалашьа змам усуп,  факткгьы шьақәырҕәҕәам“, – иҳәеит Рати Брегаӡе.