Қырҭтәыла Адәныҟатәи аусқәа рминистрра Украина иалҵны Венгриеи, Румынтәылеи, Словакиеи идәықәло Қырҭтәыла атәылауаа рзы аинформациа аланарҵәеит.

Аусбарҭа адыррақәа рыла, Венгриеи, Румынтәылеи, Словакиеи иҟоу Қырҭтәыла ацҳаражәҳәарҭақәа арежим ҷыдаҿ аус руеит, Украинантә абарҭ атәылақәа рахь ииасуа Қырҭтәыла атәылауаа ирыцхраауеит.

«Венгриеи Румынтәылеи инеиуа Қырҭтәыла атәылауаа идҳардыруеит аҳәааҿы аковидвакцинациа зыршаҳаҭуа адокумент ацәыргара шырҭахым.  Венгриа -Украинатә аҳәааҿы иҟоу апунктқәа рыхәбагьы уахгьы-ҽынгьы аус руеит.

Атәылауаҩшәҟәы змам атәылауаа Румынтәылеи Венгриеи иҟоу аконсультә усбарҭақәа рҿы  «ахынҳәразы аилкаага» роуеит, уи ала, аҳаирпланла Қырҭтәылаҟа ихынҳәыр рылшоит.

Венгриа иҟоу Қырҭтәыла ацҳаражәҳәарҭа ацәаҳәа ҷыда  аномер +36 30 858 66 22; уахгьы-ҽынгьы аус ауеит.

Румынтәыла иҟоу Қырҭтәыла ацҳаражәҳәарҭа ацәаҳәа ҷыда аномер: +40743232292; уахгьы-ҽынгьы аус ауеит.

Қырҭтәыла Адәныҟатәи аусқәа рминистрра адыррақәа рыла,  ауааҧсыра зегьы, Қырҭтәыла атәылауаагьы,  Словакиа ахырхарҭала Украина аҳәаа иахысыр рылшоит.

Словакиа иҟоу Қырҭтәыла ацҳаражәҳәарҭа ацәаҳәа ҷыда аномер:   +421 918663008; уахгьы-ҽынгьы аус ауеит.