Иахьа Румынтәыла апарламент Адепутатцәа рпалатеи Сенати еицымҩаҧыргаз аилатәараҿы «Молдовеи, Украинеи, Қырҭтәылеи, Мраҭашәаратә Балканқәеи ревропатәи аперспектива иазку арезолиуциа» рыдыркылеит.

Ари аинформациа аланарҵәеит Қырҭтәыла Адәныҟатәи аусқәа рминистрра.

Арезолиуциаҿы иаҵшьны иазгәаҭоуп Румынтәыла, Қырҭтәыла астратегиатә партниор аҳасабала, Қырҭтәыла ахьыҧшымреи, аҵакырадгьылтә акзаареи ишадгыло.

Иара убас, адокументаҿ азгәаҭоуп Амшын еиқәаҿы аҭышәынтәалареи ашәарҭадареи арҕәҕәаразы аимадара аиқәыршәараҿы Қырҭтәыла инанагӡо ароли ари атәыла европатәи ақәыҧшыларашҟа алалара аҵаки.

Иара убас, арезолиуциа ишану ала, Евроеидгыла арҭбаара апроцесс мҩаҧысуеит акандидатцәа рҽазышәарақәеи европатәи апринципқәа ирышьашәалоу аҧхықәрақәа рынагӡараҿы ирымоу ақәҿиарақәеи рышьаҭала.