Нанҳәатәи еибашьра еилгеижьҭеи 15 шықәса анҵы Дмитри Медведев иҟаиҵаз аҳәамҭа ампыҵахаларатә политика анагӡароуп, уи Қырҭтәыла ахьыҧшымреи аҵакырадгьылтә акзаареи аилагара даҽа ҽазкрак ауп, — ирҳәеит Қырҭтәыла Адәныҟатәи аусқәа рминистрраҿы.

«Нанҳәатәи еибашьра еилгеижьҭеи 15 шықәса анҵы Дмитри Медведев иҟаиҵаз аҳәамҭа ампыҵахаларатә политика анагӡароуп, уи Қырҭтәыла ахьыҧшымреи аҵакырадгьылтә акзаареи аилагара даҽа ҽазкрак ауп.

Урыстәылатәи афедерациахь ааҧхьара ҟаҳҵоит жәларбжьаратәи зин апринципқәеи анормақәеи пату рықәҵаны,   амца аанкылара иазкны  2008 шықәса нанҳәа 12 рзы аганқәа еицрыдыркылаз аиқәшаҳаҭрала ахы иаднаҵаз аҧхықәрақәа нанагӡарц», — иануп аинформациаҿы.

Иара убас, Қырҭтәыла Адәныҟатәи аусқәа рминистрраҿы ишазгәарҭаз ала,  Қырҭтәыла аҭынчмҩала аимакқәа рҭыҧқәҵареи ақырҭуа аҵакырадгьылқәа ҭынч рдеокупациеи, аинаалареи  аполитика иақәныҟәоит.