«Ассоциациа иазку аиқәшаҳаҭра анапаҵаҩра ашьҭахь, бжьышықәса рыҩнуҵҟала, Қырҭтәыла, Евроеидгыла ашҟа аинтеграциа апроцесс аҿы крызҵазкәа апрогресс амоуп, уи абзоурала,  Қырҭтәыла, азакәанҧҵаратәи аинституциатәи аҩаӡарақәа рҿы,   Евроеидгыла иаҳа иазааигәахеит», — иануп Қырҭтәыла Адәныҟатәи аусқәа рминистрра аҳәамҭаҿы.

«Ассоциациеи Зхы иақәиҭу ахәаахәҭратә қәыҧшылара наӡеи ирызку аиқәшаҳаҭрақәа рыбзоурала, Қырҭтәыла иаҳа аимпульс аиуит  Евроеидгылеи Қырҭтәылеи рыбжьара ахәаахәҭра-економикатә еизыҟазаашьақәа рырҭбааразы. Евроеидгыла Қырҭтәылазы ахадаратә ахәаахәҭратә партниорс иҟалеит. Иара убас, абарҭ аиқәшаҳаҭрақәа Қырҭтәыла аинвестициатә лагылазаара аиҕьтәра иацхрааит.

Евроеидгыла Қырҭтәыла иаҳа ирацәаны ацхыраара азоунашьҭуеит. Аиқәшаҳаҭра инақәыршәаны, афинанстә цхыраара амҽхак хәыҷы-хәыҷла азҳауеит.

Аиқәшаҳаҭра аҳәаақәа ирҭагӡаны Қырҭтәыла имҩаҧгаз ареформақәа рыбзоурала, авизатә режим алиберализациа апроцесс  2017 шықәсазы қәҿиарала ихыркәшан.

Абарҭ ақәҿиарақәа рыбзоурала,  Қырҭтәыла,  2024 шықәсанӡа, аиқәшаҳаҭра аҭагылазаашьақәа  60-65% нагӡаны, Евроеидгыла алалара амзызла  азыҳәамҭа аҟаҵаразы аҽазыҟанаҵоит», — иануп Қырҭтәыла Адәныҟатәи аусқәа рминистрра аҳәамҭаҿы.