«12 абжьагарақәа рынагӡаразы аусура инагӡоит, приоритетқәак рхырхарҭла апрогресс иҟоуп, егьырҭ ирыдҳәаланы аконкреттә аӡбарақәа ҳрызҧшуп, иаҳҳәап Жәлар рыхьчаҩ иалхра азҵааразы», — иҳәеит Қырҭтәыла иҟоу Евроеидгыла ацҳаражәҳәаҩ Павел Герчински.

Герчински агәыҕра ду имоуп  Евроеидгылахь Қырҭтәыла аинтеграциа апроцесс қәҿиарала инагӡахап ҳәа.

«2 приоритетк ирыдҳәаланы апарламент аҿы аусура шаанкылоу здыруеит, избанзар, Еврокомиссиа агәаанагара иазыҧшуп.  Ари аихшьаала  анроулак аусура  ишалаго здыруеит. Убри аҟынтә, уи макьана аусуратә процессым. Лабҿаба иубарҭоуп приоритетқәак ирыдҳәаланы апрогресс шыҟоу, егьырҭ ирыдҳәаланы аусура нарыгӡоит. Ҳара ари апроцесс ҳацклаҧшуеит. Ашықәс анҵәамҭазы,  Еврокомиссиа  ари апрогресс ахәшьара анаҭоит, анеҩс, Евроеидгыла иалоу  27 ҳәынҭқарақәа ридерцәа аӡбара рыдыркылоит.  Еврокомиссиа Қырҭтәыла  иахәаша аӡбара аднакылап ҳәа сгәыҕуеит. Иахьа апроблемақәа рылацәажәара сҭахым, избанзар, аусура макьана ихыркәшам», — иҳәеит ацҳаражәҳәаҩ.