Қырҭтәыла Ахашәалақәа рзы амаҵзура асанкциақәа ззышьақәыргылоу аидара аиҭаҵра ахылаҧша иазкны

Қырҭтәыла Ахашәалақәа рзы амаҵзура асанкциақәа ззышьақәыргылоу аидара аиҭаҵра ахылаҧша иазкны  АИХқәа рҿы   аларҵәара зауз аҭыхымҭақәа  ирықәҿнаҭит.

Аусбарҭа адыррала, асанкциақәа ззышьақәыргылоу аалыҵ  аиҭаҵразы ахылаҧшра ҕәҕәа аҳәаақәа ирҭагӡаны,  Ахазалхырҭа адепартамент аҿы иацҵаны аҧҵоуп асанкциақәа ззышьақәыргылоу атауар иадҳәалоу ахазалхратә шәарҭарақәа рзы алаҧшра апрофильқәа.

Убри адагьы, агәаҭара алҵшәақәа инрықәыршәаны, аҭыхымҭақәа рҿы зыӡбахәы ҳәоу аилахәыра  (аилахәыра «Мироторг») аидареи ари аилахәыра аҧшәмеи жәларбжьаратәи асанкциақәа азышьақәыргылам.  Қырҭтәыла Афинансқәа рминистрра иаҵанакәа Ахашәалақәа рзы амаҵзура аганқәа зегьы рахь ааҧхьара ҟанаҵоит атәылаҿы аидара аиҭаҵра ахылаҧшра иазкны цқьа игәаҭам, ииашам аинформациа аладмырҵәарц.

«Иара убас, ахылаҧшра ҕәҕәа аҵаҟа иҟоуп асанкциақәа ззышьақәыргылоу атауар Евроеидгыла атәылақәеи, Америкеи, Британиа дуи,  егьырҭ аҳәынҭқаррақәеи рҟынтә атәылашҟа раагареи Урыстәылаҟа ма даҽатәылак ашҟа ареекспорти апроцесс», — иануп аусбарҭа аҳәамҭаҿы.