Ҳара Қырҭтәыла анапхгара Ассоциациа иазку аиқәшаҳаҭра инақәыршәаны еиуеиҧшым аусхкқәа рҿы азакәанҧҵара Евроеидгыла астандартқәа рзааигәатәразы рхы иадырҵаз аҧхықәра ҳадгылоит, — иануп Евроеидгыла аделегациа ахантәаҩы Марина Калиуранд Евроеидгыла – Қырҭтәыла апарламенттә ассоциациа акомитет 10-тәи аилатәара иадҳәаланы иҟалҵаз аҳәамҭаҿы.

Лара лажәақәа рыла, апрогресс шыҟоугьы, аусхкқәак рҿы аҭагылазаашьа еиҕьхар ауеит.

«Ҳара гәалсрала иазгәаҳҭоит аполитикатәи амедиатәи ландшафт аҿы аполиаризациа шыҟоу, уи Қырҭтәыла адемократиатә аҿиара иаҧырхагоуп. Ҳара иаҵшьны иазгәаҳҭеит Европатәи Ахеилак ахада Шарль Мишель ихатә аиқәшаҳаҭрала европатәи амҩа шрыдигалаз. Ҳара даҽазнык ишьақәҳарҕәҕәеит  Қырҭтәыла апарламент аҿы аполитикатә партиақәа рыбжьара аконструктивтә усеицура ацхрааразы,  Европарламент Жан Моне идиалог ишадгыло», — илҳәеит Калиауранд.

Лара лажәақәа рыла, Евроеидгыла даҽазнык ишьақәнарҕәҕәеит Қырҭтәыла ахьыҧшымреи жәларбжьартәи азхаҵара змоу аҳәаақәа ирҭагӡаны аҵакырадгьылтә акзаареи ишадгыло.