„Ари аҳәамҭа иаанаго исзеилкаауам, аполитикатә шьаҭа ашәымҭан ҳәа, ари ахҭыс ҳҵәахыр акәызма? Иаарԥшын иконкрету ахаҿқәа, ари иадҳәаланы алкаақәахымԥада ҟаҵтәуп. Қырҭтәыла ашәарҭа иҭагылан, Урыстәыла аҵакыраҿ атерактқәа рымҩаԥгара ҳхарадырҵон. Қырҭтәыла иаанхаз артҟәацга аӡәгьы дахцәажәом, атерактқәа рымҩаԥгара ҳтәылаҿгьы ргәы иҭазма? Ари иадҳәаланы зҵаарақәагьы ҳамоуп. Иацҵаны усԥшаара мҩаԥгатәуп“, – иҳәеит Мамука Мдинараӡе.

Аҳәынҭқарратә шәарҭадаратә маҵзура аинформациала, Аконтртеррористтә центр имҩаԥнагаз аоперативтә-усԥшааратә уснагӡатәқәа раан иҷыду артҟәацгақәеи аԥжәаратә маҭәашьарқәеи рацәаны рыԥшааит. Артҟәацгақәа апластикатә аԥжәаратә маҭәашьар С-4 иалан, уи артҟәацра ҟалоит аелектро детонатори иҷыдоу атаимери рыла. Аԥжәаратә маҭәашьар 14 кг икапануан. Аконтеинерқәа ирҭан 6 детонаторки иҷыдоу ацаԥхақәеи.

Аҳәынҭқарратә шәарҭадаратә маҵзура аинформациала, артҟәацгақәа Қырҭтәыла аагареи, аиагареи, контеинерк Урыстәылатәи Афедерациа ахырхарҭала атранзиттә аиагареи, Қырҭтәыла аҳҭнықалақь аҿы аҵәахреи бжьҩык Қырҭтәыла атәылауааи, хҩык Украина атәылауааи, Шәамахьтёылаҩыџьа атәылауаа ирхылаԥшуан. Аус иазку аматериалқәа рҿы ишану ала, апроцесс дахылаԥшуан Украина атәылауаҩ, 2020 шықәсаз Одессатәи аобласт аҭыԥантәи Рада Киевтәи араион аҟынтә адепутатрахь апартиа “Жәлар рмаҵзуҩы” акандидат Андреи Шарашиӡе.