Уаҵәы, Саакашвили идгыларазы аҳәынҭқарратә канцелиариеи Шеквеҭили, Иванишвили иҩни раԥҳьа асааҭ 18:00 рзы ҳаизоит, – иҳәеит “Амилаҭтә ҵысра” ахантәаҩрахь акандидат Леван Хабеишвили.

Хабеишвили иажәақәа рыла, 2023 шықәсазы ахақәиҭреи, аҭынчреи Қырҭтәыла европатәи аԥеиԥш азы ақәԥара ахадаратә фаза иалагоит.

Хабеишвили иҟаиҵаз аҳәамҭала, Михеил Саакашвили идгыларатә акциа амҩаԥгара аидеиа Марки Феигин итәуп, ажьырныҳәа 4 рзы акциақәа мҩаԥгахоит Қырҭтәыла ацҳаражәҳәарақәеи аконсулрақәеи раԥхьа Ниу-Иорки, Вашингтони, Берлини, Бриуссели, Гаагеи, Стокгольми, Афины, Барселонеи рҿы.

“Қырҭтәыла акзаара ааигәоуп,  аха уаанӡа аҩнуҵҟатәи аӷа, аурыс аолигарх иааира ҳалшароуп. Михеил Саакашвили иԥсҭазаара аиқәырхаразы, идгыларазы уаҵәы, ажьырныҳәа 4, асааҭ 18:00 рзы Саакашвили идгыларазы аҳәынҭқарратә канцелиариеи Шеквеҭили, Иванишвили иҩни раԥҳьа ҳаизоит.

Уаҵәы аҳәынҭқарратә канцелиариантә Биӡина Иванишвили иҩнынӡа шьапыла ҳнеиуеит, зегьы ибзиаӡаны ирдыруазароуп ацәгьара ахыҵхырҭа абаҟоу, Қырҭтәылаҿ ҳареи Европеи рыбжьара дгылоуп Биӡина Иванишвили, 2023 шықәсазы аурыс аолигархи акриминалтә режими ҳхаркәшароуп”,  – иҳәеит Хабеишвили.