«Афактқәа рышьаҭала ишьақәыргылоуп британиатәи ацҳаражәҳәаҩ  Венатәи аконвенциа шаҟантә еилеигаз, иахәҭам  аҳәамҭақәа шаҟа ҟаиҵаз, иара аҩныҵҟатәи аусқәа рыҽрылигалоит», — иҳәеит апарламенттә аиҳара алахәыла  Леван Маҷавариани.

Маҷавариани иажәақәа рыла, европатәи абиурократцәа Қырҭәтыла ииашамкәа иазныҟәоит.

«Украина аибашьра ианалагаз инаркны абри аҩыза ариторика ҳаҳауеит, избанзар, абри аибашьра ҳҽалаагаларц ирзыҟамҵеит. Убри азоуп европатәи абиурократцәа абас рхы зымҩаҧырго. Уажәы Британиа дугьы абасҵәҟьа иҟанаҵоит.  Афактқәа рышьаҭала ишьақәыргылоуп британиатәи ацҳаражәҳәаҩ  Венатәи аконвенциа шаҟантә еилеигаз, иахәҭам  аҳәамҭақәа шаҟа ҟаиҵаз, иара аҩныҵҟатәи аусқәа рыҽрылигалоит. Абри зегьы ибзиаӡаны иаабоит. Дара шьаҭак рымамкәа, ҵаҵгәыркыда  ак анҳхарадырҵо, ҳара афактқәа рҳы иархәаны, акритика рзаауеит. Абри алоуп ҳазлеиҧшым», — иҳәеит  Леван Мачавариани.