“Абырфынтә мҩа афорум” ахь хшыҩзышьҭра  зеиҧшҟамлац ала идууп, — иҳәеит аекономика аминистр Леван Давиҭашвили.

Давиҭашвили ишиҳәаз ала, «Қарҭтәи Абырфынтә мҩа афорум» ҩышықәса рыла  знык имҩаҧысуеит.

«Раҧхьаӡа акәны афорум мҩаҧган  2015 шықәсазы, аҧыза-министр Иракли Ҕарибашвили иинициативала, нас, апандемиа амшала, иҳаҩсыз ашықәсқәа рзы афорум ҳзымҩаҧымгеит. Иахьа ишаабо ала, афорумахь хшыҩзышьҭра зеиҧшҟамлац ала идууп.

Иҳаҩсыз амшқәа рзы аделегациақәа рылахәылацәа ҳарҧылеит. Америкеи, Ааигәатә Мрагылареи, Китаии, Европеи, арегиони рҟынтә аделегациақәа иаҳҭааит», — иҳәеит  Давиҭашвили.

Иара иажәақәа рыла, сынтәа  “Абырфынтә мҩа афорум” ахь хшыҩзышьҭра иаҳа иазҳаит, уи алагьы иубарҭоуп арегионаҿ Қырҭтәыла ароль иаҳа-иаҳа ишазҳауа.

«2023 шықәсазы “Абырфынтә мҩа афорум” ахь хшыҩзышьҭра иаҳа иазҳаит, уи алагьы иубарҭоуп арегионаҿ Қырҭтәыла ароль иаҳа-иаҳа ишазҳауа. Афорум қәҿиарала имҩаҧысып ҳәа сгәыҕуеит, уи Қырҭтәыла аӡыргара иацхраауеит. Зҵакы дуу аекономикатә зҵаарақәа Қырҭтәылаҿ иӡбазароуп. Уи азыҳәан апотенциал ду ҳамоуп ҳәа сгәы иаанагоит», — иҳәеит  Леван Давиҭашвили.

Афорум ааиртуеит Қырҭтәыла аҧыза-министр Иракли Ҕарибашвили.