«Қырҭтәыла афымца анетто-експортиорс иҟаларцаз алшарақәа зегьы амоуп, зҵакы дуу астратегиатә инициатива дуқәа ҳанрылацәажәо, урҭ иреиуп Қырҭтәылеи Европеи еимыздо амшынеиқәатәи аӡаҵантәи акабель. Ари апроект хықәкыс иамоуп аҭыҧантәи агенерациа аҟынтә иҳауа афымца Евроеидгылашҟа аекспорт, — иҳәеит аекономика аминистр Леван Давиҭашвили.

Авице-аҧыза ишиҳәаз ала, сынтәа Қырҭтәыла арекордтә генерациа иҟан.

«Ари апроект амиллиардрацәала аҧара алаҵатәуп, уи акыршықәса аҭаххоит, Қырҭтәыла агенерациа ду ҳаур, аҧара алаҵара ахәҭоуп, агенерациа маҷхар – азарал ҳауеит. Уажәазы иҟоу азҧхьагәаҭақәа рыла, ҳаҧхьаҟа Қырҭтәыла, зырҿыцра ҟало ахыҵхырҭақәа рҟынтә иацҵаны афымца аиуеит. Сынтәа арекордтә арбага ҳаман, агенерациа  13 млрд. кВт/сааҭ еиҳан», — иҳәеит  Давиҭашвили.

Иара иажәақәа рыла, иахьазы Қырҭтәылазы аекспорттә џьармыкьа хадоуп Ҭырқәтәыла.