Америка авизит аҳәаақәа ирҭагӡаны, Қырҭтәыла афинансқәа рминистр  Лаша Хуцишвилии Амилаҭтә банк ахада  Коба Гвенетаӡеи Жәларбжьаратәи авалиутатә фонд адиректор ихаҭыҧуаҩ  Бо Ли иҧылеит.

Қырҭтәыла Афинансқәа рминистрра адыррала, аиҧылараҿы ирылацәажәеит   2023  шықәсатәи амакроекономикатәи афискалтәи параметрқәеи аҧара-кредиттә политика иадҳәалоу азҵаарақәеи.

Иара убас , аиҧылара алахәылацәа, Украина имҩаҧысуа аибашьра арегиони адунеи рзы иамоу анырра иазааҭгылеит.

Ишазгәаҭаз ала, апроблемақәа шырацәоугьы,  сынтәа Қырҭтәыла аекономика  ирласны азҳара иаҿуп. Иара убас, амакроекономикатә политика анагӡара аҵакы азгәаҭан.

Аиҧылара анҵәамҭаз аганқәа рхаҭарнакцәа ишазгәарҭаз ала, Қырҭтәылеи Жәларбжьаратәи авалиутатә фонди рыбжьара аизыҟазаашьақәа рырҭбаара иазыхиоуп.