Китаитәи ареспублика Қырҭтәыла атәылауаа рзы авизадатә режим шьақәнаргылеит.

Ари атәы иахьатәи аиҳабыра реилатәара аҿы ааицҳаит аԥыза-министр Иракли Кобахиӡе.

Аԥыза-министр иажәақәа рыла, Қырҭтәыла атәылауаа 30 мш ирылагӡаны Китаи авизада аҟазаара ирылшахоит.

“Китаи жәлар рреспублика аӡбара аднакылеит Қырҭтәыла атәылауаа рзы авизадатә режим рзышьақәыргылара иазкны. Қырҭтәыла атәылауаа 30 мш ирылагӡаны Китаи авизада аҟазаара ирылшахоит. Ари ихадароу аӡбароуп, ҳтәылауаа Китаи аҭаара имарианы ирылшоит. Ари аӡбара Қырҭтәылеи Китаи ирыбжьоу астратегиатә партниорра иазку аиқәшаҳаҭра ихадароу хәҭоуп. Ҳтәылауаа ирыдысныҳәалоит ари аӡбара”, -иҳәеит Иракли Кобахиӡе.

Китаи атәылауаа рзы авизадатә режим амч аиуит 2023 шықәса цәыббра 11 рзы.

Китаи Қырҭтәылеи рыбжьара астратегиатә партниорра рнапқәа аҵарҩит 2023 шықәса рашәаразы.