Қырҭтәыла иҟоу Америка ацҳаражәҳәаҩ  Келли Дегнан лҳәамҭала, Америка  30 шықәса рыҩныҵҟа евроатлантикатә қәыҧшыларашҟа Қырҭтәыла аинтеграциазы  аус ауан.

Ацҳаражәҳәаҩ ишазгәалҭаз ала,  Америка Қырҭтәыла иҟанаҵо зегьы  Евроеидгылеи НАТОи ралалара иазку ақырҭуа жәлар ргәазыҳәара анагӡара иазкуп.

«Абри ауп ақырҭуа жәлар ирҭаху, Америка уи аҿы ирыцхраауеит. Ҳара Евроеидгылаҿы Қырҭтәыла акандидатура ҳадгылоит, избанзар, Қырҭтәыла ахатә европатәи ҽазышәарақәа рҿы ақәҿиара амазар ҳҭахуп.   Америка Қырҭтәыла иаҿагыланы аус ауазшәа,  мамзаргьы Америка Қырҭтәыла аибашьра аҽаланагалар аҭахушәа, аҩбатәи афронт аартра иазҿлымҳаушәа   ирҳәо ансаҳауа, уи  100-наӡынатәи урыстәылатәи адезинформациоуп.  Уи мцуп.  Америка иалшо зегьы ҟанаҵоит аибашьра аанкыларазы.  Ҳара зынӡаскгьы иҳҭахым Қырҭтәыла аибашьра аҽаланагалар.   Евроеидгылеи НАТОи аҭынчреи,  аҭышәынтәалареи,  ашәҭықақаҷреи ауп ирыхьчо,  уи убарҭоуп иарбанызаалак европатәи ма аҩада америкатәи тәылаҿы.  Абри ауп ҳара Қырҭтәылазы иаҳҭаху,  ақырҭуа жәларгьы уи шырҭаху аадыруеит», — илҳәеит  Келли Дегнан.