Қырҭтәыла атәылахьчара аминистр  Џьуаншер Бурҷулаӡе  Қырҭтәыла иҟоу Чехиа ацҳаражәҳәаҩ ҿыц  Петр Кубернат диҧылеит. Аминистр адипломат амаҵзураҭыҧ ҿыц аанкылара идныҳәаланы, ақәҿиарақәа изеиҕьеишьеит.

Аганқәа рхаҭарнакцәа уажәааны Еврокомиссиа Қырҭтәыла акандидат астатус анашьаразы иҟанаҵаз абжьагара иалацәажәеит. Ишазгәаҭаз ала,  Чехиа Қырҭтәыла евроинтеграциа иадгылоит. Аиҧылараҿы иаҵшьны иазгәаҭан ахыхьчареи ашәарҭадареи аусхкқәа рҿы Қырҭтәылеи Чехиеи рыбжьара аполитикатәи апрактикатәи усеицура.

Џьуаншер Бурҷулаӡе  атәылахьчара аусхкы аҿы атәылақәа рыбжьара қәҿиарала имҩаҧысуа ҩ-ганктәи аусеицура дазааҭгылан, аусеицура аплан анагӡаразы иҟаҵоу ашьаҿақәеи чехиатәи ақырҭуеи арратә маҵзуҩцәа жәларбжьаратәи арратә азыҟаҵарақәа рҿы рылахәызаареи далацәажәеит. Аминистр астратегиатә аҩаӡараҟны аусеицура аҵакы азгәаҭаны, чехиатәи иколлега Қырҭтәылаҟа дааиҧхьеит.

Ари аинформациа аланарҵәеит Қырҭтәыла Атәылахьчара аминистрра.