Иран адәныҟатәи аусқәа рминистрра Иеиду аҳра адәныҟатәи аҧшыхәратә маҵзура — „аиҕаратә гәыҧуп“, Бриатниатәи аҳра амшынтә мчқәеи аҳра аҳаиртә мчқәеи – „атеррористтә аиҿкаарақәоуп“ ҳәа аанацҳаит

Иран адәныҟатәи аусқәа рминистрра Иеиду аҳра адәныҟатәи аҧшыхәратә маҵзура  (MI6) — „аиҕаратә гәыҧуп“, Бриатниатәи аҳра амшынтә мчқәеи аҳра аҳаиртә мчқәеи  –  „атеррористтә аиҿкаарақәоуп“ ҳәа аанацҳаит.

Аминистрра аҳәамҭа ишану ала, Бриатниа аиҳабыра Иран иаҿагыланы имҩаҧырго аполитика ЕАР аҧҟаҧҵеи жәларбжьаратәи зин апринципқәеи ирышьашәалам, лымкаала, амилаҭтә суверенитет ҳаҭырқәҵареи егьырҭ атәылақәа ирҿагыланы азакәандаратә ҭагылазаашьақәа рхархәара ақәиҭымтәреи апринципқәа еиларгоит.

Аҳәамҭаҿы ишазгәаҭоу ала, Тегеран абри ашьаҿа ҟарҵеит аҵыхәтәантәи ашықәс азы Британиа аиҳабыра Иран иаҿагыланы имҩаҧыргоз аполитика иаҭакны, лымкаала, Иран иаҿагыланы Америкеи Израили имҩаҧырго агрессиатә еибашьра аҽалархәреи,   арратә базақәеи, аобиектқәеи, алогистикатә адгылареи аиқәыршәареи, иара убас,  2026 шықәса рашәара 13 рзы  „Исламтәи револиуциа ахьчаҩцәа ркорпус“ (IRGC) „шәарҭароуп“ ҳәа аацҳара иазку аӡбареи рымшала.

Аминистрра адыррақәа рыла, Тегеран ирыдыркылаз аӡбара хықәкыс иамоуп атәыла амилаҭтә шәарҭадареи аинтересқәеи рыхьчара.