Шоҭа Месхиа ихьӡ зху Жәыргьыҭтәи аҳәынҭқарратә  университет аҵаратә корпус ҿыц астудентцәа ақәҿиарақәа, аҿиара, аҵарадырра рзаазго қәыԥшылароуп, – иҳәеит Қырҭтәыла аҧыза-министр Иракли Кобахиӡе Шоҭа Месхиа ихьӡ зху Жәыргьыҭтәи аҳәынҭқарратә университет аҵаратә корпус ҿыц аартра иазкыз аусмҩаҧгатә аҿы данықәгылоз. 

„ Иахьатәи амш шәыдысныҳәалар сҭахуп! Шоҭа Месхиа ихьӡ зху Жәыргьыҭтәи аҳәынҭқарратә  университет аҵаратә корпус ҿыц астудентцәа ақәҿиарақәа, аҿиара, аҵарадырра рзаазго қәыԥшылароуп! Ауниверситетаҿ аконкуренциа зылшо, зквалификациа ҳараку, арегион зегьы ақәҿиарақәа азаазго акадрқәа иазыҟарҵоит. Арҭ акадрқәа наҟ-наҟ ҳтәыла аҿиара апроцессаҿ алагала ду ҟарҵоит. Абри зегьы аҵакы ҷыда амоуп, избанзар ари ауниверситет ампыҵахалатә цәаҳәа иазааигәаны иҟоуп. Астудентцәа рҟынтә 40% Аҧснынтә ахҵәацәа, мамзаргьы, аиҟәшаратә цәаҳәа иаҧну ақыҭақәа ирықәынхо аҿар роуп. Убри аҟынтә, шәуниверситет  амиссиа ҷыда анашьоуп. 18 шықәса раҧхьа араҟа 37-ҩык астудентцәа аҵара рҵон, иахьа ари ауниверситет иҭоуп 2000-ҩык астудентцәа, уи алагьы апрогресс ду убарҭоуп, ари апрогресс ҳаҧхьаҟагьы инагӡахароуп. Академиатә азҳара лабҿаба иубарҭоуп. Аҵаратә университет жәларбжьаратәи аҩаӡараҟны еиуеиҧшым аҳәаанырцәтәи ауниверситетқәа аус рыцызуа ибзиаӡоу ауниверситетс ишьақәгылеит.

Аҳәынҭқарра еснагь ари апроцесс иацхраауан, аҵыхәтәантәи аамҭазы  иакымкәа зҵакы дуу аинфраструктуратә проектқәа мҩаҧган. Иахьатәи амшгьы уи аанарҧшуеит“, –  иҳәеит Иракли Кобахиӡе.