«Қырҭтәылеи, Украинеи, Молдовеи Евроеидгыла алахәылацәас ианыҟалалак Европарламент аҽаҧсахып ҳәа ҳгәыҕуеит  —   «афеик» анырра аҟынтә ихьчоу, европатәи апринципқәаҵәҟьа зыхьчо, ахатә обиективтә интересқәа ирышьашәаланы зхы мҩаҧызго Европарламент ҳауеит ҳәа ҳгәыҕуеит», — иҳәеит  «Ақырҭуа гәахәтәы» ахантәаҩы Иракли Кобахиӡе иахьатәи абрифинг аҿы. 

«Ҳара акгьы ҳзышьақәырҕәҕәом, аха иахьатәи арезолиуциа експертцәақәак ргәаанагара шьақәнарҕәҕәоит, дара ишырҳәо ала, Евроеидгыла алаларазы заанаҵы азыҳәамҭа аҟаҵара азҵаара зхәыцыз ауаа ҳтәылеи ҳаиҳабыреи хықәкыла апроблемақәа ирҭадыргылар рҭахын. 

Аоппозициаа хықәкыс ирымоу еилкаауп. Дара ргәаанагарала,  Украинеи Молдовеи иреиҧшымкәа,  Қырҭтәыла акандидат астатус амоуроуп, убри ашьҭахь дара атәылаҿы аилаҩынтәреи аҳәынҭҭқарратә аарҳәреи  рҽазыркыр рҭахуп. Абри зегьы ашьҭахь Қырҭтәыла аибашьра аҽаланагаларатәы иҟарҵоит, абри ауп Амилаҭтә ҵысреи уи адгылаҩцәеи аҵыхәтәантәи амзақәа рзы излацәажәоз. 

Европарламент арезолиуциаҿы инықәырҧшны иазгәаҭоуп Қырҭтәыла акандидат астатус амоур шыҟало. Абри аҩыза аӡбара рыдыркылар ииашахом, Қырҭтәылаҿ азакәан аиҳаӡареи аекономикатә прогресси иазҿлымҳау ауааҧсыра зегьы иашьашәалоу ақәҿыҭра ҟарҵоит. 

Ҳара рашәара  23-24 рзы ирыдыркыло аӡбара ҳазыҧшуеит. Ари аӡбара инақәыршәаны, ажәлар иаҳа инарҭбаау аинформациа раҳҭоит акулуартә хҭысқәеи акандидат астатус иадҳәаланы хаҭалатәи аиҿцәажәарақәеи ирызкны», — иҳәеит  Иракли Кобахиӡе.