Иахьатәи аиҧылараҿы сколлега ҭабуп ҳәа иасҳәеит аҭоурыхтә ҵакы змоу аӡбаразы  – Аҧсни Цхинвалтәи арегиони рахь ахҵәацәа рыхынҳәра иазку ЕАР арезолиуциа адгыларазы.  Ари аӡбара ҳтәылақәа реизыҟазаашьақәа иаҳа иарҕәҕәоит, – иҳәеит Қырҭтәыла аҧыза-министр Иракли Кобахиӡе Шәамахьтәыла аҧыза-министр Никол Ҧашиниани иареи еицымҩаҧыргаз абрифинг аҿы данықәгылоз.

Аиҳабыра рнапахгаҩы иаҵшьны иазгәеиҭеит Шәамахьтәыла аҧыза-министр Никол Ҧашиниани иделегациеи Қырҭтәыла рвизит аҵакы, иара ишиҳәаз ала, астратегиатә партниорра иазку аиқәшаҳаҭра анапаҵаҩра атәылақәа реизыҟазаашьақәа рырҕәҕәаразы аҵакы ду амоуп.

„Аҧыза-министр иаҳасабала, сара Шәамахьтәылатәи ареспублика аҧыза-министри иара ицу аделегациеи  раҧхьаӡа акәны Қырҭтәыла исыдыскылоит, уи сара сзы ҳаҭыр дууп.

Хәажәкыраз Шәамахьтәыла имҩаҧызгаз авизит даҽазнык исгәаласыршәар сҭахуп, гәыкала ҳадкыларазы даҽазнык ҭабуп ҳәа шәасҳәоит.

Қырҭтәылеи Шәамахьтәылеи реизыҟазаашьақәа ашәышықәсақәа рацәа ирылагӡаны  ҳажәларқәа  ирыбжьоу аиҩызареи, ашәышықәсатәи апатуқәҵареи  ашьаҭала ишьақәгылеит, абри зегьы,  аполитикатә ганахьала, ҳстратегиатә партниоррашҟа ииасит, уи  даараӡа сеигәырҕьоит, избанзар, ҳаҧхьаҟа уи ҳаизыҟазаашьақәа иаҳа рырҕәҕәара иацхраауеит.

Астратегиатә партниорра иазку аиқәшаҳаҭра анапаҵаҩра ҳаизыҟазаашьақәа рырҭбаара апроцессаҿ  ароль ду нанагӡоит, уи аконкреттә  апрактикатә алҵшәақәа ахылҵхьеит.

Иахьатәи аиҧылараҿы сколлега ҭабуп ҳәа иасҳәеит аҭоурыхтә ҵакы змоу аӡбаразы  – Аҧсни Цхинвалтәи арегиони рахь ахҵәацәа рыхынҳәра иазку ЕАР арезолиуциа адгыларазы.  Ари аӡбара ҳтәылақәа реизыҟазаашьақәа иаҳа иарҕәҕәоит“, – иҳәеит Иракли Кобахиӡе.