Қырҭтәыла аҧыза-министр Иракли Кобахиӡе Мераб Костава еиҭашьақәыргылаз амемориалтә  иҩны-музеи даҭааит. Аиҳабыра рнапхгаҩы ицын апарламент ахантәаҩы Шьалуа Папуашвилии, Қарҭ ахада Каха Калаӡеи, акультура аминистр Ҭинаҭин Рухаӡеи.  

Қырҭтәыла аиҳабыра аланарҵәаз аинформациаҿ ишану ала, ҿыц еиҭашьақәыргылоу амузеиаҿ иҵәахуп афырхаҵа иҧсҭазаареи иоуранагӡареи аазырҧшуа аматериалқәеи, Мераб Костава ихатә маҭәарқәеи, амемориалтә аҩнымаҭәеи, абиблиотекеи, анапҩырақәеи, афотоархиви.  

Аусҳәарҭа адыррақәа рыла, аиҭашьақәыргылара ашьҭахь амузеи аҵакыра иаҳа идухеит, уи еибыҭоуп ҳаамҭазтәи атехникеи атехнологиақәеи рыла, иара убас, уаҟа еиҿкаауп жәларбжьаратәи астандартқәа ирышьашәалоу ҳаамҭазтәи арккаратә қәыҧшылареи  афондҵәахырҭеи, уи абзоурала, амузеиаҿ ишьҭоу  20 000 иреиҳаны аекспонатқәа ишахәҭоу еиҧш ихьчоуп.