Ари даара акрызҵазкуа хҭысуп, ари ауснагӡатә аҿы Европатәи атәылақәа зегьы рхадацәа, рԥыза-министрцәа, аинтерес ҷыда алоуп ари ауснагӡатә ЕАШ ахада иалхрақәа рышьҭахь Будапешт иахьымҩаԥысуа, — иҳәеит Қырҭтәыла аԥыза-министр Иракли Кобахиӡе.

Кобахиӡе иажәақәа рыла, иара атематикатә панели апленартә еилатәареи рҿы дықәгылараны дыҟоуп.

“Сара атематикатә панель аҿы, иара убасгьы ахыркәшаратә апленартә сессиаҿы сықәгылоит, ҳҳәынҭқарреи ҳтәыла аҭыԥ змоу ахҭысқәеи срыхцәажәоит. Иара убас, европатәи алидерцәа Қырҭтәылеи Евроеидгылеи реизыҟазаашьақәа ирызку адыррақәа рысҭар сылшоит”, – иҳәеит Кобахиӡе.

Қырҭтәыла аҧыза-министр Иракли Кобахиӡе Европа аполитикатә еидгыла асаммит ихы алаирхәоит. Европа аполитикатә еидгыла ахәбатәи асаммит аҿы Европа ашәарҭадара аганахьала иҟоу апроблемақәа ирылацәажәоит. Асаммит аҳәаақәа ирҭагӡаны иазҧхьагәаҭоуп амиграциеи, аекономикатә шәарҭадареи, аимадареи, аенергетикеи, атранспорти, аинформациатә технологиақәеи, аглобалтә ахәаахәҭреи ирызку атематикатә дискуссиақәа. Аҧыза-министр Иракли Кобахиӡе аекономикатә шәарҭадареи аимадареи ирызку адиаскуссиаҿы дықәгылоит. Қырҭтәыла аҧыза-министр инаиваргыланы, Европа аполитикатә еидгыла ахәбатәи асаммит иалахәхәоит ақырҭуа делегациагьы. Аделегациа иалоуп адәныҟатәи аусқәа рминистр Илиа Дарчиашвилии аиҳабыра радминистрациа аиҳабы Леван Жоржолиании.