Қырҭтәыла аҧыза-министр Иракли Кобахиӡе Азербаиџьан адәныҟатәи аусқәа рминистр Џьеиҳун Баирамов диҧылеит.   

Аганқәа рхаҭарнакцәа Қырҭтәылеи Азербаиџьани рстратегиатә партниорреи реигәыларатә еизыҟазаашьақәеи ирылацәажәеит. Иаҵшьны иазгәаҭан аҵыхәтәантәи ашықәсқәа рзы атәылақәа реизыҟазаашьақәа рҿы иҟоу адинамика бзиа. 

Аиҧылара алахәылацәа аганқәа еицынарыгӡо аинфраструктуратәи аенергетикатәи проектқәа ирзааҭгылеит. Иаҵшьны иазгәаҭан Абжьаратә корридор аҿиара апроцессаҿ арҭ апроектқәа ирымоу аҵакы. Хшыҩзышьҭра рызун ахәаахәҭра-економикатә аизыҟазаашьақәеи атәылақәа рыбжьара ахәаахәҭратә аикәшара азҳара атенденциа бзиеи. 

Аганқәа рхаҭарнакцәа арегионаҿ аҭагылазаашьагьы иалацәажәеит. Аҧыза-министр даҽазнык ишьақәирҕәҕәеит Қырҭтәыла, адиалоги аусеицуреи рыла, Аахыҵ Кавказаҿ аҭынчреи аҭышәынтәалареи аиқәыршәара ацхраара ишазыхиоу.