Ишыжәдыруа еиҧш арадикалтә аполитикатә мчқәа уаҵәы амитинг амҩаҧгара ргәы иҭоуп, дара аргама ирҳәеит Қырҭтәыла аконституциатә аиҿкаара ахҳәара ма мчыла аҧсахра шырҭаху, – иҳәеит аҧыза-министр Иракли Кобахиӡе иахьа аиҳабыра радминистрациаҿы имҩаҧгаз абрифинг аҿы.

“Ишыжәдыруа еиҧш арадикалтә аполитикатә мчқәа уаҵәы амитинг амҩаҧгара ргәы иҭоуп, дара аргама ирҳәеит Қырҭтәыла аконституциатә аиҿкаара ахҳәара ма мчыла аҧсахра шырҭаху. Лабҿаба иубарҭоуп ари амитинг ахықәкы Аконституциа шеиланаго, насгьы, уи анагӡара аҽазкра цыҧхьаӡа ашьауҕатә ацәгьаура аквалификациа аҭара шыҟало. Иара убас, амитинг иамоу ахықәкы иазҧхьагәаҭаны, ҷыдала иазгәаҭатәуп уи алахәылацәа иҟарҵо иарбанзаалак амчыларатә акт азы, ҵыҧхтәи амитингқәа раан иаарҧшыз амчылаҩцәа Қырҭтәыла ашьауҕатә закәанҧҵара ахәҭаҷқәа рыла ироуз ахьырхәра ааасҭа акырӡа иаҳа иџьбароу ахьырхәра шрықәшәо. Ҵыҧх дара иҟарҵаз ацәгьауразы 2 шықәса инаркны 4.5 шықәсанӡа аҭакра рықәшәазар, уаҵәы ацәгьаура ҟарҵар, акырӡа иаҳа иџьбароу ахьырхәра рықәшәар ауеит”- иҳәеит аҧыза-министр.