Апарламент ахантәаҩы раҧхьатәи иофициалтә визит НАТО аштаб-уадашҟа имҩаҧган, уи алагьы иубарҭоуп евроатлантикатә интеграциа апарламент аусхәаҧштә аҿы аҵакы ҷыдеи аҧыжәареи  шамоу, — апарламент апленартә аилатәараҿы ари аҳәамҭа ҟаиҵеит ахыхьчареи ашәарҭадареи рзы акомитет ахантәаҩы Иракли Бараиа.

Бераиа иажәақәа рыла, акомиссиа аилатәараҿы алианс алахәылацәа даҽазнык ишьақәдырҕәҕәеит  иаарту ашәқәа аполитикеи Бухаресттә асаммит аӡбареи реиҭахәаҧшра  шыҟамло.

Иракли Бераиа ишазгәеиҭаз ала,  2022 шықәсазы НАТОи Қырҭтәылеи русеицура иаҳа иҕәҕәахоит.

«Қарҭи Бриуссели иакымкәа авизитқәеи,  НАТО-Қырҭтәыла акомиссиа аилатәарақәеи мҩаҧысуеит. Қырҭтәыла имҩаҧысуеит НАТО-Қырҭтәыла арратә азыҟаҵарақәа, Алианс арратә аҕбақәа Қырҭтәыла атерриториатә ӡқәеи абаҕәазақәеи ирҭалоит. Аха, ахадаратә ҵакы амазаауеит  2022 шықәсазы Мадрид имҩаҧысуа НАТО асаммит, уаҟа Алианс Астратегиатә концепциа ҿыц шьақәдырҕәҕәоит, ари адокумент аус адулара апроцесс Қырҭтәылагьы иалахәып. НАТО ашҟа аинтеграциа – ҳшәарҭадареи ҳдәныҟатәи политикеи рҿы аҧыжәара змоу ахырхарҭа мацара акәымкәа, ҳажәлар ргәазыҳәарагьы ауп», — иҳәеит апарламенттә комитет ахантәаҩы.