Қырҭтәылеи Ҭырқәтәылеи ирыбжьоу астратегиатә партниорреи, ахәаахәҭра-економикатә еизыҟазаашьақәеи, адунеи Кавказтәи арегиони рҿы иҟоу ашәарҭадаратә ҭагылазаашьеи ирыхәаԥшит Қырҭтәыла аҧыза-министр Иракли Ҕарибашвили Ҭырқәтәыла ахада Реџьеп Таип Ердоӷани реиԥылара аҿы.

Аԥыза-министр ипрессмаҵзура аинформациа ала, аиҳабыра рнапхгаҩы Ниу-Иорк ивизит аҳәаақәа ирҭагӡаны имҩаԥгаз аиԥылараҿ ҩтәылак реиҩызареи апартниортә аизыҟазаашьақәа рҵаки ирыхәаԥшит. Иазгәаҭан аҵыхәтәантәи ашықәсқәа рзы Қырҭтәылеи Ҭырқәтәылеи ирыбжьоу астратегиатә партниорра алҵшәа хадақәа шамоу, зыҩаӡара ҳараку ҩганкалатәи аизыҟазаашьақәа рполитикатә динамикеи арегионтә-геостратегиатә ҟазшьа змоу апроектқәа Қырҭтәылеи Ҭырқәтәылеи рҽалархәра аҩ тәылак рзы аҵак ҷыда шамоу.

Аусҳәарҭа аинформациа ала, Қырҭтәыла аԥыза-министр Ҭырқәтәыла ахада Қырҭтәыла дааиԥхьеит.