Қырҭтәыла Аԥыза-министр Иракли Ӷарибашвили Қырҭтәылеи Евроеидгылеи ирыбжьоу ассоциира ахеилак афбатәи еилатәара ихы алаирхуеит. Аԥыза-министр дызхагылоу аиҳабыратә делегациа иахьа Бриуссель дәықәлеит.

Аԥыза-министр ипрессмаҵзура аинформациа ала, авизит аҳәаақәа ирҭагӡаны Еврокомиссиеи, европатәи ахеилаки, Европарламенти Наот-и рҿы  мҩаԥгахоит зыҩаӡара ҳараку еиԥыларақәа.

Актәи еиԥылара Иракли Ӷарибашвили Европа ахеилак ахада Шарль Мишель иҟны мҩаԥигоит.

Хәажәкыра 16 рзы  Қырҭтәылеи Евроеидгылеи ирыбжьоу ассоциира ахеилак афбатәи еилатәара ашьҭахь, Иракли Ӷарибашвилии Адәныҟатәи аусқәеи ашәарҭадареи рызқаарақәа рзы Евроеидгыла иреиҳаӡоу ахаҭарнак Жозеф Бореллии Европатәи агәыларатә политикеи арҭбаареи рызқаарақәа рзы еврокомиссар Оливер Варҳеии апрессконференциа еицымҩаԥыргоит.

Хәажәкыра 17 рзы Еврокомиссиеи, европатәи ахеилаки, Европарламенти Наот-и рҿы  мҩаԥгахоит зыҩаӡара ҳараку еиԥыларақәа. Қырҭтәыла Аԥыза-министр Нато аштаб уадаҿ амаӡаныҟәгаҩ хада Иенс Столтенберг диԥылоит Аиԥылара ашьҭахь Иракли Ӷарибашвилии Иенс Столтенберги аҳәамҭақәа еицыҟарҵоит. Иара убас, апланқәа ирылоуп Натои Қыртәылеи ркомиссиа еилатәара амҩаԥгара.

Аԥыза-министр дызхагылоу аиҳабыратә делегациа иалоуп вице-аԥыза, Адәныҟатәи аусқәа рминистр Давид Залкалиании, Аекономикеи иҭәышәынтәылоу аҿиареи рминистр Наҭа Ҭурнавеи, Аиустициа аминистр Гоча Лордиԥаниӡе.