Реикиавик имҩаҧысуа асаммит алахәылацәа рҿаҧхьа иахьа дықәгылоит Қырҭтәыла аҧыза-министр Иракли Ҕарибашвили.

Иацы Реикиавис аартын Европа Ахеилак аҳәынҭқаррақәеи аиҳабырақәеи рнапхгаҩцәа 4-тәи асаммит. Иракли Ҕарибашвили, асаммит иалахәы адунеитә лидерцәа рыгәҭа, асаммит аартра ацеремониа ихы алаирхәит.

Ауснагӡатә ахьымҩаҧысуа аконференц-центр Harpaҿ, Қырҭтәыла аҧыза-министри аҳәынҭқаррақәеи аиҳабырақәеи рнапхгаҩцәеи рыдыркылеит  Исландиа аҧыза-министр  Катрин Иакобсдоттири Европа Ахеилак амаӡаныҟәгаҩ хада  Мариа Пеичинович Буричи. Асаммит алахәылацәа рҿаҧхьа иқәгылеит Британиа Ду аҧыза-министр  Риши Сунаки, Польша ахада  Анџьеи Дудеи, Германтәыла аканцлер Олаф Шольци, Еврокомиссиа ахантәаҩы  Урсула фон дер Лаиени, Украина ахада Владимир Зеленскии.

Асаммитаҿ ақәгылара инаваргыланы,  Иракли Ҕарибашвили, ҩ-ганктәи аиҧыларақәа мҩаҧигоит. Аҧыза-министр ишазгәеиҭаз ала, иара европатәи аконтинентаҿ иҟоу апроблемақәа дрылацәажәоит.

«Ҳара ҳҳәатәы хада акандидат астатус иазкуп, Қырҭтәылеи ақырҭуа жәлари ари астатус рыхәҭоуп. Ҳара абри алхра ҟаҳҵеит, уи ҧсахшьа амам, уи ҳажәлари ҳтәылеи иҟарҵаз алхроуп. Убри аҟынтә, сара сҳәатәы хада ари астатус иазкхоит, ҳтәыла иахәҭоу астатус хымҧада аиуроуп,  ҳуааҧсыреи, ҳажәлари, ҳтәылеи рзы Европантә абри аҳәамҭа ҟасҵоит, ҳара даҽа аӡбарак ҳазыҧшым, аха, ҳәарада,  европатәи ҳҩызцәа уаҳа альтернативак шыҟам агәра рыргара мариахом. Европатәи ҳҩызцәа ҳтәылаҿ аполиаризациа аҵыхәҧҵәареи, аҭынчреи аҭышәынтәалареи ашьақәыргылареи, атәыла Европа ахырхарҭала ацара нанагӡарц рҭахыҵәҟьазар, ашықәс анҵәамҭаз акандидат астатус ҳауп  ҳәа сгәыҕуеит. Абри ауп сара аҭакс иҟасҵо», — иҳәеит аҧыза-министр.

Аҧыза-министр Реикиавик аделегациа ицуп.