Ҳельсинктәи акомиссиа Қырҭтәыла анапхгара рыла ахимиатә бџьар ахархәара иазку адырра иақәҿнаҭит.  Ари атәы иануп Ҳельсинктәи акомиссиа иаланарҵәаз апресс-релиз аҿы.

Адокумент ишану ала, Ҳельсинктәи акомиссиа ахантәаҩы, асенатор  Роџьер  Уикери, аконгрессмен Џьо  Уилсони, асенатор Шелдон Уаитҳауси, аконгрессмен Стив Коени аҳәамҭа ҟарҵеит  «Қырҭтәыла анапхгара рыла  адемонстрантцәа рганахьала Актәи адунеитә еибашьра ахаантәи ахимиатә бџьар ахархәара ашаҳаҭгақәа ирыдҳәаланы».

««Ақырҭуа гәахәтәы» ала адемонстрантцәа рганахьала ахимиатә бџьар ахархәара иазку адырра ҳаргәамҵуеит. Абарҭ ахимиатә жәыларақәа ауаа ргәабзиара иаҧырхагахеит, ари афакт  ауаҩы изинқәа еиланагоит.  Абри аҩыза ахымҩҧаҧгашьа амшала „Ақырҭуа гәахәтәы“ Урыстәылеи Китаии ркоррупциатә режимқәа иреиҧшхеит. Америкеи адгылаҩцәеи рахь ааҧхьара ҟаҳҵоит арҭ адыррақәа цқьа игәаҭаны асанкциақәа шьақәдыргыларц», — иануп аҳәамҭаҿы.