««Ажәлар рымч» апарламенттә аиҳара алҵразы аӡбара аднакылеит, уи ала ҳара Қырҭтәылаҿ изҩыдоу аоппозициа аҟазаара ашьаҭа аҧаҳҵоит», — иҳәеит апартиа «Ажәлар рымч» анагӡаратә маӡаныҟәгаҩ Гурам Маҷарашвили.

Иара иажәақәа рыла, «Ажәлар рымч» Қырҭтәылаҿ изҩыдоу аоппозициа аҟазааразы ашьаҭа аҧнаҵоит.

«Рыцҳарас иҟалаз, егьырҭ апроблемақәа инарываргыланы, Қырҭтәылаҿ даҽа проблемакгьы иҟоуп, фактла иуҳәозар, аоппозициа иҟам, атәыла апрогресс азыҳәан атәыла анапхгара акритика рзызуша, зроль назыгӡаша изҩыдоу амч иҟам. Арадикалтә оппозициа аоппозициаа ҳәа рыхьӡаҳҵеит, аха, уигьы акгьы ҳнамҭеит. Иахьа Қырҭтәылаҿ ажәлар иалырхыз анапхгара иҟоуп, аха, рыцҳарас иҟалаз, аҳәаанырцәтәи амчқәа аҧара ззоурышьҭуа арадикалтә оппозициагьы иҟоуп. Убри аҟынтә, ҳара, аполитикатә партиа  «Ажәлар рымч», апарламенттә аиҳара алҵреи Қырҭтәылаҿ изҩыдоу аоппозициа аҟазааразы ашьаҭа аҧҵареи ҳаӡбеит. Ҳара Қырҭтәыла аҩныҵҟагьы анҭыҵгьы зегьы идҳарбоит изҩыдоу аоппозициа иаанаго  — уи апарламентаҿ иҟоу, аха, анапахгара ирыҵанамкәа, Қырҭтәыла аинтересқәа зыхьчо аполитикатә мчуп», — иҳәеит  Гурам Маҷарашвили.