«Страсбургтәи аӡбара ақәҵара инақәыршәаны,  рашәара 20 рзы иреиҳаӡоу аҳәынҭқарратә институт ажәылара аҽазкра ҟалеит, уи азы аҭак рыҧхықәуп ари аштурм еиҿызкааз аҭакҧхықәрадатә политикатә партиақәа», — иҳәеит апартиа  «Гахариа — Қырҭтәылазы» аполитхеилак алахәыла Гьаргь Шарашиӡе.

Иара иажәақәа рыла,  рашәара 20 рзы иҟалаз ахҭысқәа рзы аӡәыр аҭак иҧхықәзаргьы, уи Иракли Кобахиӡеи апарламент иажәылоз аҭакҧхықәрадатә политикатә партиақәеи роуп.

«Рашәара 20  рзы   уажәтәи аҧыза-министр  Кобахиӡе Гаврилов Қырҭтәылаҟа дааганы, ҳаҭыр иқәҵаны, апарламент ахантәаҩы искам дықәиртәеит. Ҳтәылауаа иргәаласыршәар сҭахуп – Страсбургтәи аӡбара ақәҵара инақәыршәаны,  рашәара 20 рзы иреиҳаӡоу аҳәынҭқарратә институт ажәылара аҽазкра ҟалеит, уи азы аҭак рыҧхықәуп ари аштурм еиҿызкааз аҭакҧхықәрадатә политикатә партиақәа. Страсбург аӡбара ишьақәнарҕәҕәеит уи аҽны аштурм шыҟалаз, иара убас, ишьақәдырҕәҕәеит ари аштурм аҧыхреи иреиҳаӡоу аҳәынҭқарратә орган ахьчареи ишхымҧадаз.

Рашәара  20 рзы иҟалаз ахҭысқәа ирыдҳәаланы аҭакҧхықәра ҳалацәажәозар, ганкахьала аҭакҧхықәра идуп Гаврилов Қырҭәтылаҟа даазыҧхьаӡ Иракли Кобахиӡеи, егьи аганахьала  —  апарламент иажәылаз аҭакҧхықәрадатә политикатә партиақәеи. Аҭакҧхықәра шәалацәажәозар, раҧхьа иргыланы, Амилаҭтә ҵысреи Ақырҭуа гәахәтәи шәрылацәажәа. Усҟан Гьаргь Гахариа аҩныҵҟатәи аусқәа рминистрс дыҟан, иара аҳәынҭқарратә институтқәа рыхьчара иуалын», — иҳәеит Гьаргь  Шарашиӡе.