Италиа апрестиж ду змоу амузыкатә конкурс иалагоит.
Евровизиа ашәаҳәаратә 66-тәи аконкурс актәи афиналбжа Турин иахьа мҩаԥысуеит, аконкурс рхы аладырхәоит 17 тәылақәа рхаҭарнакцәа.
Актәи афиналбжаҿ иқәгылоит: Албаниа, Латвиа, Швеицариа, Словениа, Болгариа, Молдова, Украина, Лиетува, Нидерланды, Норвегиа, Португалиа, Даниа, Шәамахьтәыла, Австриа, Хрватиа, Исландиа, Бырзентәыла.
Актәи афиналбжа ишиашоу атраслиациа Актәи аканал аҿы асааҭ 23:00 рзы иалагоит.
Қырҭтәыла ахьӡала аконкурс аҩбатәи афиналбжатә тур аҿы, лаҵара 12 рзы иқәгылоит агәыԥ Circus Mircus.