Европа Ахеилак Апарламенттә Ассамблеиа  аднакылеит арезолиуциа «Украина иаҿагыланы Урыстәылатәи афедерациа имҩаҧнаго агрессиа аескалациа».  Адокумент аҿы Урыстәыла иазхаҵоуп атеррористтә режим ҳасабала.

Украинатәи АИХ адыррақәа рыла, арезолиуциа иадгылеит  99ҩык аделегатцәа. Аӡәы иҽааникылеит.

Адокумент ишану ала,  урыстәылатәи агрессиа – ацәгьауреи, жәларбжьаратәи зин аилагареи, жәларбжьаратәи аҭынчреи ашәарҭадареи рзы ашәарҭара ҕәҕәеи  ҳасабала иақәыӡбатәуп.

Европа Ахеилак Апарламенттә Ассамблеиа   Урыстәылахь ааҧхьара ҟанаҵеит зыҧшра ҟамҵакәа Украина иаҿагылоу ахатә агрессиа аанкыланы, жәларбжьаратәи азхаҵара змоу Украина аҵакырадгьыл аҟынтә ахатә арбџьармчқәа алнагарц.

Иара убас, Ассамблеиа алахәылацәа, Урыстәылахь ааҧхьара ҟарҵоит Қырҭтәылеи Молдовеи рҟынтәгьы арбџьармчқәа алыргарц. Убри адагьы, адепутатцәа Урыстәылахь ааҧхьара ҟарҵеит аиадертә ақәмақарра иаҟәыҵны, аиадертә бџьар ахархәамразы аҭакҧхықәра ахы аднаҵарц.

Европа Ахеилак Апарламенттә Ассамблеиа   Европатәи Ахеилак алахәылацәа рахь ааҧхьара ҟанаҵеит Украина иаҿагылоу агрессиаан иҟаҵаз ацәгьаурақәа реилыргаразы жәларбжьаратәи трибунал ҷыда аҧҵара апроцесс дырццакырц.