Варшава имҩаҧысит Евроеидгыла азеиҧш зҵаарақәа рзы Ахеилак иформалым аилатәара, уи рхы аладырхәит Евроеидгыла алалара зҭаху апартниор-тәылақәа –  Албаниеи, Босниеи  Герцеговинеи, Косовои, Черногориеи, Аҩадатәи  Македониеи, Молдовеи, Сербиеи, Ҭырқәтәылеи,  Украинеи рхаҭарнакцәа. Қырҭтәыла ахаҭарнак аиҧылараҿы дыҟамызт.

Аиҧылара мҩаҧигон Евроеидгыла азҵаарақәа рзы Польша аминистр  Адам Шлапка. Аусмҩаҧгатә ашьҭахь имҩаҧгаз апресс-конференциаҿы иара Қырҭтәыла далацәажәеит.

«Аиҧылараан ауадаҿ скамк иҭацәны иҟан. Ари аскам Қырҭтәыла иазыҧшын.  Ари атәыла анапхгара ирыдыркылаз аӡбареи уажәтәи аҭагылазаашьеи рымшала, Қырҭтәыла ари аиҧылара иалахәымызт. Хара имгакәа Қырҭтәыла ари аусмҩаҧгатә аҽаланархәап  ҳәа ҳгәыҕуеит», —  иҳәеит  Адам Шлапка.