Аладатәи Кавказ аҟынтә уажәааны схынҳәит, Қырҭтәыла избас агәҭынчымра сызцәырнагеит, – илҳәеит Финлиандиа Адәныҟатәи аусқәа рминистр Елина Валтонен Лиуксембург Евроеидгыла адәныҟатәи аусқәа рминистрцәа рхеилак аилатәара иалагаанӡа.

“Аладатәи Кавказ аҟынтә уажәааны схынҳәит, Қырҭтәыла избас агәҭынчымра сызцәырнагеит. Акциқәа рышҟа иныҟәо атәылауаа рганахьала арепрессиқәа мҩаԥыргоит. Аполитбаандаҩцәа абахҭақәа ирҭакуп. Ари европатәи мҩаӡам, аха ари ақырҭуа жәлар иалырхыз мҩаӡам. Ари азҵаара аганахьала ахьамҵра ааҳарԥшыроуп”, – илҳәеит

Иахьа Лиуксембург Евроеидгыла адәныҟатәи аусқәа рминистрцәа рхеилак аилатәара мҩаԥысуеит. Аиԥылара дахагылоуп Адәныҟатәи аусқәеи ашәарҭадаратә политикеи рзы Евроеидгыла иреиҳаӡоу ахаҭарнак Каиа Каллас. Евроеидгыла атәылақәа рдәныҟатәи аусқәа рминистрцәа аиԥылараҿы ирыхәаԥшуа азҵаарақәа иреиуп Урыстәыла Украина аганахьала имҩаԥнаго агрессиа, Молдовеи Индоиеи, Аокеан Тынч арегиони Евроеидгылеи реизыҟазаашьақәеи, Судан иҟоу аҭагылазаашьеи. Аиԥылараҿы Қырҭтәыла азҵаарагьы иалацәажәоит.

Аиԥылара ашьҭахь қарҭтәи аамҭала асааҭ 16:45  рзы апрессконференциа мҩаԥгахоит.