Қырҭтәыла атәылахьчара ҧасатәи аминистр,  ателееилахәыра  «Формула» ашьаҭаркҩы  Давиҭ Кезерашвили аҳәамҭа ҟаиҵеит.

Аҳәамҭа ишану ала, ВВС аматериалқәа рҿы иарбоу афактқәа ирыдҳәаланы аиуристтә хархәагақәа рхархәара игәы иҭоуп.

«Даҽазнык иааркьаҿны исҳәар сҭахуп   ВВС ала ицәыргаз аматериалқәа  изакәызаалак ак ала сышрыдҳәалам,  сара ахаангьы аколл-центрқәа срыдҳәаламызт.  Британиа Ауаажәларратә телехәаҧшраҿы ажурналисттә стандартқәа ҳаракуп, аха,  сара исыдҳәалоу арепортаж иадҳәаланы азҵаарақәа сымоуп.  Аҭакҧхықәра наӡа схы иадҵаны, еиҭасҳәоит – зыӡбахәы ҳәоу ацәгьауратә схемақәа ахаан срылахәымызт, убри аҟынтә, абарҭ аматериалқәа исзааргаз аморалтә зарал атәамбара сгәы иҭам,    аматериалқәа рҿы иарбоу афактқәа ирыдҳәаланы аиуристтә хархәагақәа зегьы схы иасырхәоит. Қырҭтәыла анапхгара аполитикатә ашьаҭала исышьҭоуп, сара сҽалархәрала иаҧҵаз ателееилахәыра  «Формула» иақәыҕәҕәоит. Анапхгаратә партиа алхранӡатәи ажәылара мҩаҧыргоит, жәларбжьаратәи аиҿкаарақәагьы Америка аҳәынҭқарратә департаментгьы уи азхарҵахьеит.

Аматериалқәа рҿы иарбоу афактқәа шиашам шьақәсырҕәҕәарцаз аиуристтә хархәагақәа зегьы схы иасырхәоит, уи азы аамҭа рацәа аҭаххом», — иҩит Кезерашвили.