«Зҵакы дуу ахҭыс ҟалеит, Америка ҧшьҩык ақырҭуа аӡбаҩцәа асанкциақәа рзышьақәнаргылеит, уи Биӡина Иванишвили изы аҵыхәтәантәи агәҽанҵароуп», — иҩит Давиҭ Арахамиа  Telegram-канал аҿы.

«Америка анапхгара ақырҭуа олигарх Биӡина Иванишвили аҵыхәтәантәи агәҽанҵара ирҭеит. Акоррупциа знапы алакыз ҧшьҩык  ақырҭуа аӡбаҩцәа асанкциақәа рзышьақәыргылоуп.  Уи Биӡина Иванишвили изы аҵыхәтәантәи агәҽанҵароуп ҳәа сгәы иаанагоит, избанзар иара ацәаҳәа ҟаҧшь дахысит, закәандарала   ақырҭуа напхгара дырхылаҧшуеит. Ҳара изныкымкәа агәҽанҵара раҳҭахьеит абри зегьы бзиарак шахылымҵуа азы, аха, ирзеилымкааит. Уажәы еилыркаап ҳәа сгәыҕуеит. Ҳара Урыстәыла атәылауаа асанкциақәа рывсраҿы ирыцхраауа Иванишвили ибизнеспартниорцәа ирызкны аинформациа раҳҭеит. Хара имгакәа ари ахырхарҭалагьы ажәабжь ҿыцқәа ҳаҳап ҳәа сгәыҕуеит», — иҳәеит  Арахамиа.