Аҳәынҭқарратә департамент аӡбарала, Қырҭтәыла адемократиа аҵшәааразы аҭак зыԥхықәу ахаҿқәеи урҭ рҭацәарақәа рылахәылацәеи рганахьала Қырҭтәыла аганахьала авизатә аԥкрақәа рполитика алаҳгалоит, – иануп ЕАШ аҳәынҭқарратә маӡаныҟәгаҩ Ентони Блинкен иҟаиҵаз аҳәамҭаҿы.

“Аҵыхәтәантәи мызқәак ирылагӡаны анапхгаратә партиа “Ақырҭуа гәахәтәы” аус аднаулан, “Атәым нырра аартызаара иазку” азакәанпроект аднакылеит, уи хықәкыс амоуп аизареи агәаарагара аарԥшра ахақәиҭреи рыҵшәаара, Қырҭтәыла атәылауаа рымаҵ зуа аиҿкаарақәа рстигматизациа.

Қырҭтәыла атәылауаа ари азакәан иаҿагылоит, аҵыхәтәантәи аамҭазы иаарԥшын еиԥшым агәаанагара змоу ахаҿқәа рыршәара акампаниеи амчылареи рҿырԥштәқәа, арепрессиатә тактика, ари зегьы Қырҭтәыла адемократиеи ашьаҭатә хақәиҭрақәеи рыҵшәаара ауп хықәкыс иамоу, ари зегьы Қырҭтәыла аконституциа иҭаҩу Қырҭтәыла ахықәкы – евроатлантикатә интеграциеи ЕАШ рҟны астратегиатә партниорреи ирҿагылоит.

Ари иаҭакны Аҳәынҭқарратә департамент аӡбарала, Қырҭтәыла адемократиа аҵшәааразы аҭак зыԥхықәу ахаҿқәеи урҭ рҭацәарақәа рылахәылацәеи рганахьала Қырҭтәыла аганахьала авизатә аԥкрақәа рполитика алаҳгалоит.

Иара убас иахьа салагоит ЕАШ-и Қырҭтәылеи ирыбжьоу ҩганкалатәи аусеицура аиҭахәаԥшра. Қырҭтәыла алидерцәа азакәанпроект еиҭахәаԥшны, адемократиатәи евроатлантикатәи амҩа шазыхынҳәуа сақәгәыӷуеит”, – иануп ЕАШ аҳәынҭқарратә маӡаныҟәгаҩ иҟаиҵаз аҳәамҭа аҿы.