Аиммиграциатә хылаԥшратә уснагӡатәқәа 50 ҩык аҳәаанырцәтәи атәылауаа аанкылеит
Аиммиграциатә хылаԥшратә уснагӡатәқәа 50 ҩык аҳәаанырцәтәи атәылауаа аанкылеит
Атәыла аҩныҵҟатәи аусқәа Рминистрра амиграциатә усбарҭа аусзуҩцәа атәыла иахьаҵанакуа иммиграциатә хылаԥшра ҷыда аусмҩаԥгатәқәа мҩаԥыргеит.
Иуадаҩу аусмҩаԥгатәқәа рыбзоурала, Индиа, Виетнам, Туркменистан, Урыстәыла, Қырқәтәыла, Судан, Пакистан, Узбекистан, Азербаиџьан, Таџьикистан, Иорданиа, Нигериа, Бангладеш, Уганда, Кениа ртәылауаа рыла изакәантәым атәымтәылауаа 50ҩык аанкылан.
Иҷыдоу аиммиграциатә хылаԥшратә усмҩаԥгатәқәа рҳәаақәа ирҭагӡаны, аҟәша аусзуҩцәа еиуеиԥшым ахықәкқәа змоу аҭыԥқәеи аобиектқәеи гәарҭеит, урҭ рхықәкы хаданы иҟан Қырҭтәыла азакәантә шьаҭа змам аҳәаанырцәтәи атәылауаа ралкаара.
Ишьақәдыргылеит иаанкылаз атәылаҿы ишыҟаз, Қырҭтәыла Азакәан “Аҳәаанырцәтәи ауааԥсыреи атәылауаҩра змам ауааи рзинтә статус азы” ишьақәнаргылаз аҭахрақәа еилаганы.
Уажәазы иаанкылоу амиграциатә Усбарҭа аамҭалатәи аԥхьарҭатә центр аҿы иҭакуп. Урҭ атәыла алцара азы иахәҭоу апроцедурақәа мҩаԥысуеит.
Абри атәы аанацҳауеит атәыла аҩныҵҟатәи аусқәа рминистрра апресс-маҵзура.