Британиа Ду бжьҩык урыстәылатәи амиллиардерцәа, урҭ рыбжьара Роман Абрамович, асанкциақәа рықәырҵеит. Ари атәы аанацҳаит ВВС.

Британиа афинансқәа рминстрра аланарҵәаз адокумент аҿы Абрамович Урыстәыла ахада Владимир Путин иҟны аимадара ӷәӷәа змоу алигарх иоуп ҳәа азгәаҭоуп. Асиа иалоуп Олег Дерпаска, “Роснефть” анапхгаҩы Игор Сечин, “ВТБ” анапхгаҩы Андреи Костин, “Газпром” анапхгаҩы Алексеи Миллер, “Транснефть” анапхгаҩы Николаи Токарев, абанк “Россия”  адиректорцәа рхеилак ахантәаҩы Дмитри Лебедев.

Иахьазы, Британиа ду “асиа еиқәаҵәа” иалоуп 65-ҩык, урҭ иреиуоуп Урыстәыла ахада Владимир Путин, Адәныҟатәи аусқәа рминистр Сергеи Лавров, Беларус иҟоу Урыстәыла ацҳаражәҳәаҩ Борис Грызлов, Чечентәыла алидер Рамзан Кадыров, афедерациа ахеилак алахәыла, асенатор Андреи Клишас, афедерациа ахеилак ахантәаҩы Валентина Матвиенко, адәныҟатәи аԥшыхәра анапхгаҩы Сергеи Нарышкин.