Европа имҩаԥысран иҟоу Нато азыҟаҵарақәа рхы аладырхәоит 20 000-ҩык британиатәи аруаа.
Аинформациатә агентра “Роитер” адыррақәа рыла, Европа имҩаԥысран иҟоу Нато азыҟаҵарақәа рхы аладырхәоит 20 000-ҩык британиатәи аруаа.
Британиа Ду Атәылахьчара аминистрра аинформациала, 16000-ҩык британиатәи аруаа жәабран инаркны рашәаранӡа мрагыларатә Европаҿ игылазаауеит. Иара убас Европа идәықәлиот авианыҟәгагақәеи авиациеи, урҭ рыбжьара F-35 тип змоу аҳаирпланқәа.
“Аибашьра хьшәашәа ахыркәшара ашьҭахь Европа имҩаԥысран иҟоу зегь реиҳа зымҽхак ҭбаау Нато азыҟаҵарақәа рхы аладырхәоит 20 000-ҩык британиатәи аруаа“, – иҳәеит Британиа Ду Атәылахьчара аминистр Грант Шапс.
Нато азыҟаҵарақәа – Steadfast Defender Алианс 75 шықәса ахыҵра инамаданы мҩаԥгахоит.