Аҷара Иреиҳаӡоу Ахеилак алахәылацәа автономтә республика аиҳабыра шьақәдырҕәҕәеит
Аҷара Иреиҳаӡоу Ахеилак алахәылацәа автономтә республика аиҳабыра шьақәдырҕәҕәеит. Аиҳабыра ҿыц ирыдгылеит 14ҩык. Ари аӡбара аӡәызаҵәык дақәшаҳаҭымызт – апартиа «Иаку амилаҭтә ҵысра» аҟынтә адепутат Иракли Чавлеишвили. Иахьа иара раҧхьаӡа акәны аилатәара далахәын.
Аҷара аиҳабыра рнапхгаҩыс иҟарҵаз Ҭорнике Рижваӡе Иреиҳаӡоу Ахеилак алахәылацәа агәрагара изаарҧшразы ҭабуп ҳәа реиҳәеит.